Hagnýtar upplýsingar

Gagnkvæmur uppsagnarfrestur dvalarsamnings er einn mánuður og miðast við 1. og 15. hvers mánaðar. 

Börn eru slysatryggð í leikskólunum.

Opnunartími, frí og gjöld

• Leikskólar eru opnir mánudaga til fimmtudaga kl. 07.30-16.30 og föstudaga 07.30-16.00. 
• Vistunartími barns er sveigjanlegur frá 20-40 tímum á viku.
• Leikskólar eru opnir allt sumarið en börn skulu taka fjögurra vikna samfellt sumarleyfi. Leikskólar eru lokaðir í páskafríi (3 dagar) og fyrsta virkan dag í janúar. Leikskólagjöld falla niður þessa daga.

Leikskólagjöld eru samkvæmt gildandi gjaldskrá hverju sinni. 

Einnig er hægt er að sækja um niðurfellingu á leikskólagjöldum ef barn er í fríi á eftirfarandi tímabilum:

• Valfrjálsar frívikur 1-2 vikur – að lágmarki 5 samfelldir dagar.
• Vetrarfríi - 4 samfelldir dagar í febrúar.
• Jólafrí – virkir dagar á milli jóla- og nýárs.

Sérfræðiþjónusta

Starfsemi leikskóla heyrir undir fræðslu- og menningarsvið. Þar starfa sérfræðingar sem veita leikskólakennurum og foreldrum ráðgjöf.

Innritun

Sótt er um leikskólavist á Þjónustugátt Garðabæjar.  Leikskóladvöl er úthlutað eftir aldri barna. Leitast er við að veita þeim börnum leikskólavist sem eru orðin 12 mánaða þegar skólaárið hefst, 1. september ár hvert.

Innritunarreglur

Gjöld

Gjaldskrá leikskóla er aðgengileg hér.

Reglur um greiðslur vegna dvalar barna á leikskólum sem ekki eru reknir af Garðabæ.

Systkinaafsláttur

Ef fleiri en eitt barn eru í dvöl á leikskóla, í frístundaheimili eða hjá dagforeldrum eiga foreldrar rétt á systkinaafslætti fyrir eldra/elsta barnið. Foreldrar sem eiga tvö eða fleiri börn fá 50% afslátt af grunngjaldi fyrir barn umfram eitt og 75% af grunngjaldi fyrir hvert barn umfram tvö. Afsláttur er veittur af grunngjaldi, fullt verð er greitt fyrir fæði.  

Systkinaafsláttur er settur sjálfkrafa inn og foreldrar þurfa ekki að sækja sérstaklega um hann.