Veiðileyfi

Veiðitímabilið í Vífilsstaðavatni stendur yfir frá 1. apríl til 15. september. Stangveiðileyfi í Vífilsstaðavatni eru seld með veiðikortinu á sölustöðum N1, Olís og veiðivöruverslunum um land allt. Á vef Veiðikortsins gefst kostur á að kaupa Veiðikortið og fá það sent í pósti kaupanda að kostnaðarlausu, einnig er í boði að kaupa rafrænt Veiðikort beint í símann.

Veiðikortið 2024 kostar 9.900 krónur og veitir aðgang að 36 vatnasvæðum vítt og breitt um landið. Vinsamlega athugið að veiðikortið gildir eingöngu fyrir eina stöng. Bæði börn og fullorðnir þurfa að greiða fyrir veiðileyfi en börn yngri en 14 ára veiða þó frítt ef þau eru í fylgd með öðrum korthafa.

Nánari upplýsingar um Veiðikortið og Vífilsstaðavatn má finna á vef veiðikortsins.

Dagsveiðileyfi er hægt að kaupa á 1.000 kr. Millifært er inn á reikning 0318-26-50, kt. 5701696109 með skýringunni veiðileyfi. Þá er nægilegt að sýna millifærslustaðfestingu til veiðivarða á veiðidegi en leyfilegt er að veiða í vatninu frá kl. 8:00 til kl. 24:00. Frekari upplýsingar má nálgast í þjónustuveri Garðabæjar í síma 525-8500.

Eingöngu er heimilt að nota flugur, maðk og spún, öll önnur beita og smurefni eru stranglega bönnuð í vatninu.

Athugið að bannað er að veiða á merktu svæði norðanmegin í vatninu vegna verndunar varpsvæða flórgoðans. Öll umferð báta og kajaka er bönnuð á vatninu. Að gefnu tilefni ber að nefna að öll veiði er bönnuð í Urriðavatni.

Veiðimenn og útivistarfólk er vinsamlegast beðið um að ganga vel og snyrtilega um friðlandið Vífilsstaðavatn og alls ekki skilja eftir rusl, girni, öngla, flotholt eða agn í vatninu eða á jörðinni þar sem það er lífshættulegt dýra- og fuglalífinu.

Hér að neðan má sjá mynd sem sýnir verndunarsvæði flórgoðans.